Гостивар
На инфективно во Гостивар се лекуваат 10 пациенти со ковид, 4 добиваат кислородна поддршка
Состојбата со коронавирус на подрачјето на Гостивар изминатиот период е значително подобрена, што се потврдува со намален број на хоспитализирани пациенти и новозаразени. Моментално пациенти со ковид се примаат само на инфективното одделение, кое ги задоволува потребите. Таму денес се хоспитализирани 10 пациентии има 14 слободни легла.
„На инфективното одделение денес имаме 10 пациенти, од нив 4 се ставени на кислородна поддршка. Три се во потешка здравствена состојба. Намален е бројот и на амбулантските прегледи, кои главно се контролни на лица кои ја прележале болеста. Може да кажеме дека состојбата е подобрена. Сега е поставен централен кислород и во модуларната болница, но нема потреба да работи, затоа што нема толку голем број на пациенти. Се надеваме дека во наредниот период ќе се задржи стабилното ниво“, информираше д-р Ратко Наумоски, раководител на инфективното одделение во Гостивар.
Поминаа двата верски празника Велигден и Рамазан Бајрам, за време на кои немаше полициски час. Угостителските објекти добија дозвола да бидат отворени до подоцна, градинките да примаат повеќе деца, теретаните да почнат да работат. Лекарите нагласуваат дека и покрај намалените рестрикции и фактот дека бранот спласна, граѓаните мора да ги почитуваат постоечките мерки за заштита, носење на маска, одржување дистанца и хигиена.
Според последните официјални статистики во општините Гостивар, Врапчиште и Маврово Ростуше има 136 активно заразени со коронавирус.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник