Сопственик на локал во Гостивар задржан во полиција, имал гости во објектот

Денеска (16 март) околу 13 часот, полициски службеници на Секторот за внатрешни работи Тетово-Одделение за внатрешни работи Гостивар лишиле од слобода 51-годишен гостиварец, сопственик на угостителски објект на улица „Гоце Делчев“. Полицијата соопшти дека локалот бил отворен спротивно на владината одлука и препораките за справување со „корона вирусот“, и неколку лица во внатрешноста на објектот користеле услуги, односно биле послужени со храна.

Лицето било задржано во Полициската станица Гостивар и по целосното расчистување и документирање на случајот ќе му биде изготвен соодветен поднесок.

Министерството за внатрешни работи уште еднаш апелираше до граѓаните целосно и безусловно да ги почитуваат и да се придржуваат на владините одлуки, препораки и совети и укажува дека секое нивно непочитување адекватно ќе биде санкционирано согласно важечката законска регулатива.