На Парламентарните избори право на глас имаат 1.814.263 граѓани

Државната изборна комисија, на денешната седница го заклучин Избирачкиот список, по спроведените промени од Јавниот увид во Избирачкиот список и спроведената организационо – техничка и методолошка обработка од страна на надлежните институции. Вкупниот број на гласачи запишани во Избирачкиот список е 1.814.263, од кои:

-Во изводите од Избирачкиот список се запишани 1.729.189 гласачи

-Во посебниот извод од Избирачкиот список за лица кои се на привремена  работа или престој во странство, се запишани 83.054 гласачи

-Во посебниот извод од Избирачкиот список за лица кои се наоѓаат на издржување казна затвор или се во притвор, се запишани 1.657 гласачи

-Во посебниот извод од Избирачкиот список за лица кои се згрижени во установи за вонсемејна грижа, се запишани 357 гласачи

-Во посебниот извод од Избирачкиот список за лица кои согласно евиденцијата на Министерството за труд и социјална политика се водат како внатрешно раселени лица се запишани 6 гласачи.