На подрачјето на Гостивар 55 лица се во домашна изолација, во Маврово 220 во државен карантин

Во периодот од 7 часот на 7 април до 7 часот на 8 април, на подрачјето на СВР Тетово ниту едно лице не ја прекршило одлуката за ограничено движење и нема лишени од слобода и задржани лица, соопшти полицијата.

Во овој период вкупниот број на лица, спроведени во државен карантин на тетовско-гостиварското подрачје, изнесува 428 (Тетово-208 и Гостивар-220), а бројот на лица со потпишани изјави за самоизолација e 20 (Тетово-12 и Гостивар-8).

СВР соопшти дека реaлизирани се и контроли на 207 лица (Тетово-160 и Гостивар-47)  со решенија за изолација, издадени од Државниот здравствен и санитарен инспекторат. При контролите на лицата со решенија и со потпишани изјави за самоизолација не се регистрирани непридржувања и не се поднесени кривични пријави по таа основа.