На полноќ настапува предизборен молк

Вечерва на полноќ завршува изборната кампања за првиот круг на Претседателските избори, што ќе се одржи во недела на 21 април. Утре и на денот на гласањето до 19 часот е изборен молк. Забрането е водење кампања, медиумите не смеат да објавуваат информации за партиски активности, изјави, средби на учесници во изборите.  За време на молкот не е дозволено ниту објавување на политички маркетинг

Во претседателската трка се три кандидати: Блерим Река, под реден број 1 во гласачко ливче, Гордана Силјановска Давкова, реден број 2 и Стево Пендаровски, реден број 3 во гласачко ливче. Кандидатите имаа 20 дена кампања во која ги претставија своите програми пред гласачите и ја побараа нивната доверба.

Гласањето во недела на 21 април, почнува во седум часот наутро и ќе трае до 19 часот. На ден пред изборите, во сабота, ќе гласаат болни и изнемоштени, затвореници и лица во притвор.