На просечно семејство му требаат минимум 32.800 денари за да го истурка месецот

Вредноста на синдикалната минимална кошница, што ја пресмета Сојузот на синдикати за месец март изнесува 32.852 денари. Тоа е сумата којашто му е потребна на едно просечно четиричлено семејство, да ги задоволи основните потреби во текот на едномесечен период.

Според ССМ најмногу пари, околу 13.800 денари, одат за храна и пијалоци, по што следуваат трошоците за домување (комуналии, покуќнина и одржување) со износ од 10.414 денари. За лична хигиена и хигиена во домот, семејствата да одвојуват 2.324 денари од буџетот, за превоз, околу 2.400 денари, додека за облека и обувки 2.154 денари.

Најдолу на листата, со најниски суми се културата и здравјето. Според пресметките,  посетата на културни манифестации чини 1.070, а лекови и прегледи 703 денари.

Вредноста на синдикалната минимална кошница во март 2019-та година, е повисока за околу 400 денари во споредба со истиот период лани.