Поврзи се со нас

Занимливости

На првиот ден на СП во атлетика: Дабо и Бусоби го воодушевија светот

Во Доха, Катар вчера се отвори седумнаесетото Светско првенство во атлетика. Смотрата на најдобрите атлетичари на светот ќе трае до 6 октомври. Официјално натпреварите започнаа денес и уште на првиот ден се случи настан кој го воодушеви светот.

Трката на 5000 метри донесе еден човечки потег достоен за почит и награда. Поточно, Браима Сунчар Дабо е спортист и единствен претставник на Гвинеја-Бисао на овој Мундијал, а тоа што го направи ги разнесе срцата на луѓето ширум светот. Единствен претставник на Аруба е и Џонатан Бусоби и двајцата тркачи се свесни дека немаат никакви шанси за медал во оваа конкуренција, самото учество на светскиот куп е огромен успех, единствено што може да запишат во нивната кариера завршена трка на светско првенство.

Во последниот круг на 5ооо метри квалификациската трка, Бусоби поради невозножните временски услови во Доха (иако стадионот е климатизиран) колабира на стазата, а Дабо кој беше неколку метри пред него го забележа и занемарувајќи ги спортските резултати одлучи да се врати да му помогне на исцрпениот противник да ја заврши трката.

И успеаа, заедно ја минаа целта, иако Бусоби едвај стоеше на нозе, Дабо, се жртвуваше до самиот крај.

Трогателната сцена, ја воодушеви публиката во Доха која гласно навиваше поддржувајќи го симпатичното дуо. Дабо, иако нема да биде запаметен по спортските резултати, ова ќе го стави во спортските бесмртници. А во Џонатан Бусоби, сигурно стекна искрен пријател до крајот на животот.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно