На Табановце се чека 40 минути поради заминувањето на наши државјани за вакцинација во Србија

На граничниот премин Табановце, поради зголемен интензитет, чекањето за излез од државата е околу 40 минути, информира утрово Автомото Сојузот на Македонија.

Гужвите се резултат на заминувањето на македонски државјани на вакцинација против ковид викендов во соседна Србија. Во текот на вчерашниот ден, според информациите од Стопанската комора прва доза вакцина примиле 1.100 стопанственици.

Бесплатни вакцини преку Независната угостителска комора се обезбедени и за угостителите, музичарите и туристичките работници. Граѓани одат да се имунизираат и на сопствена иницијатива.

фото:Стопанска комора