Култура
На Велики четврток традиционален концерт на „Браќа Ѓиноски“ во чест на Велигден
Годинешната концертна сезона, градското аматерско културно уметничко друштво „Браќа Ѓиноски“ од Гостивар ја започнува утре, на Велики четврток со традиционален концерт во чест на големиот христијански празник Велигден. Ова ќе биде 25 пат по ред како друштвото одржува концерт на народни песни и ора по повод велигденските празници.
„Подготвивме сплет на народни ора. Ќе се играат ората Повардарие, Тресеница, Беранче и Водарки, а со народни песни ќе настапат и пејачите Перо Пандиловски, Ангела Фичуроска и Кристина Јовановска. Освен пред домашната публика, по повод празникот ќе гостуваме и во Македонски Брод, каде на 9-ти април ќе учествуваме на манифестацијата Велигденски кули“, вели секретарот на друштвото, Анте Тодороски.
Во текот на оваа година ГАКУД „Браќа Ѓиноски“ ќе одржи уште три концерти во Гостивар. Планирани се гостувања во Маврово, Свети Николе и Велес, а за септември друштвото има покана да учествува на традиционален меѓународен фолклорен фестивал во Бугарија. „Се надеваме дека за нашите активности, настапи и концерти ќе имаме поддршка од локалната самоуправа со оглед на тешката финансиска состојба во која се наоѓа друштвото“, додава Тодороски.
Утрешниот концерт по повод Велигден ќе се одржи во Центарот за култура „АСНОМ“ со почеток во 11.30 часот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар