Началникот на СВР Тетово, Амир Далипи во посета на Дневниот центар за деца со посебни потреби

По повод Денот на полицијата, 7 Мај, началникот на Секторот за внатрешни работи Тетово, Амир Далипи заедно со и советниците во Министерството за внатрешни работи, Мухамед Реџепи, Андријана Савевска-Павловска и Ајтен Рамадани, го посетија Дневниот центар за деца со посебни потреби во Тетово и на раководството на оваа институција му врачија пригодни подароци, наменети за децата.

„Со денешната посета на овој Центар, Секторот за внатрешни работи Тетово на најнепосреден начин уште еднаш  покажа дека сите деца се исти и дека подеднакво заслужуваат грижа, љубов и внимание. Таквата емоција најконкретно беше споделена со децата од Центарот и со неговите вработени, чија професионална обврска е секојдневна грижа за нив.“, наведуваат од СВР.