Над 120 девојки илегалки од странство фатени низ локали во Гостивар и Тетово лани

Секторот за внатрешни работи Тетово и минатата година продолжи со редовни и акциски контролни активности за откривање и законско санкционирање на лица, странски државјани, кои непријавено престојуваат и работат, пред се во угостителски објекти на подрачјето или го злоупотребуваат туристичкиот престој.

Полицијата соопшти дека во овие активности вкупно биле откриени вкупно 124, претежно женски лица, од кои 99 на тетовското и 25 на гостиварското подрачје. Од нив 41 биле од Србија, 38 од Албанија, 13 од Косово, 9 од Украина, 7 од Бугарија, исто толку од Босна и Херцеговина и Русија и по 1 од Молдавија и Шведска.

„Најмногу од откриените странски државјанки лани биле ангажирани како пејачки, танчерки или придружнички и го злоупотребиле туристичкиот престој, а некои од нив и непријавено престојувале на подрачјето. На сите изготвени им се соодветни поднесоци и тие се соочиле со законски предвидените санкциии, со парични глоби и со депортирање во нивните матични држави.“, наведува СВР.