Вести
За две години опустошиле над 178 м3 даб – Кривични пријави за шест гостиварци
Надворешната канцеларија за криминалистички работи Гостивар поднесе кривична пријава против двајца жители на Гостивар и четворица на Долна бањица, поради постоење основи на сомнение за сторени кривични дела ,,пустошење на шума”, „кражба”, ,,поттикнување“ и ,,соизвршителство”.
Станува збор за А.А.(43), А.Ќ.(26), А.Џ.(30) и А.Е.(25) од Долна Бањица, како и И.И.(43) и У.М.(23) од Гостивар. Против кои се поднесени кривични пријави за пустошење на шума, кражба, поттикнување и соизвршителство во врска со пустошење на шума и кражба, стои во извештајот на МВР.
Како информира полицијата, на 02.06.2018 година на локалниот пат село Сушица – Гостивар полициски службеници забележале четири возила натоварени со огревни дрва. Две возила побегнале, додека во останатите две возила, кои биле управувани од прво и петтопријавениот, а шестопријавениот бил совозач, биле пронајдени и одземени дабови дрва, за кои истите немале соодветна документација. Во близина на местото на настанот било сопрено и патничко возило, управувано од четвртопријавениот, кој ги известувал пријавените за присуството на полициски службеници и вработени во ЈП „Македонски шуми”.
По преземени мерки, било утврдено дека во периодот од 2016 година до 02.06.2018 година во атар на село Сушица, кај место викано ,,Клен-Стража Лакавица”, прво, второ, трето и петтопријавениот извршиле бесправна сеча на 762 дабови стебла со вкупна дрвна маса од 178,987 метри кубни, која потоа ја продавале на други лица, со што се стекнале со противправна имотна корист од 1.517.001 денари, а на штета на ЈП „Македонски шуми”.
Во наведениот период, четвртопријавениот, патролирал во близина на наведената локација и ги известувал за присуството на полициски службеници и вработени во ЈП „Македонски шуми”, додека шестопријавениот, од страна на петтопријавениот, бил ангажиран за утовар и растовар на бесправно исчените дабови дрва.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник