Гостивар
Над 300 деца на листа на чекање за градинка во Гостивар – Таравари вети нови градинки
Весели дечиња, возбудени родители, игра и песнички, ангажирани воспитувачки. Ваква беше атмосферата на првиот работен ден од септември, во гостиварските градинки.
Од раководството на установата велат дека објектите функционираат со добри услови за згрижување на децата, но останува проблемот со недостиг на простор. Листата на чекање за прием е долга и брои над 300 дечиња.
На првиот работен ден градинките ги посети градоначалникот Арбен Таравари. Тој нагласи дека локалната самоуправа прави напори да ги прошири капацитетите на градинките и да овозможи да бидат опфатени што поголем број на дечиња.
„Во тек е уредување на нов објект на градинка во Долна Бањица, а планираме и во интернатот, уште еден кат од зградата да го претвориме во градинка. Се` со цел да се намали бројот на деца коишто чекаат да се запишат. Од една страна за среќа, од друга страна за жал, имаме 300 деца на листа на чекање. За среќа, затоа што е убаво во еден град да има толку многу мали дечиња и тие да веруваат во институциите на системот и родителите да сакаат да ги донесат во градинките. За жал, затоа што бројката е релативно голема и нема место за сите. Ние ќе се обидеме, барем до идната година да ја сведеме листата на чекање максимум до 100 деца“, изјави градоначалникот.
Директорката на градинките во Гостивар, Мирјана Мицоска им го честиташе септемврискиот почеток на децата и оцени дека бројката на дечиња во текот на месецов, уште ќе расте. „Ќе направиме обиди дел од нив да ги згрижиме“, рече Мицоска.
При денешната посета на градинките, Таравари изјави дека како градоначалник и како генерален секретар на Алијанса за Албанците го поддржува штрајкот на вработените во образованието за повисоки плати.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk