Над 520 возачи во Гостивар годинава казнети за брзо возење

На подрачјето на Секторот за внатрешни работи Тетово, вчера (1 март) од 8 до 20 часот, полициски службеници спровеле акциска контрола за брзина, во која вкупно биле изречени 26 мерки (ТЕ-11 и ГВ-15). Дваесет и четири од мерките се однесувале на пречекорување на максимално дозволената брзина надвор од населено место (ТЕ-9 и ГВ-15), од кои 5 од  пречекорувања биле за над 50 километри на час. Покрај ова, биле санкционирани и 2 пречекорувања на пропишаната брзина во населено место (ТЕ), а санкционирани се и 25 други видови сообраќајни прекршоци (ТЕ-14 и ГВ-11).

Инаку, минатиот месец на поширокото полошко подрачје вкупно биле изречени 905 мерки за пречекорување на брзината (ТЕ-636 и ГВ-249), а само на гостиварското подрачје во изминатите два месеци бројот на ваквите мерки изнесувал 529, информира полицијата.

Секторот за внатрешни работи Тетово со апел до возачите да ја прилагодат брзината според условите на патот во и надвор од населено место, зашто пребрзото возење и натаму е најчестиот прекршок на ова подрачје и една од најчестите причини за случените сообраќајни несреќи.