Гостивар
Надеж-Кандидатите за градоначалник ја поддржуваат Декларацијата за лицата со попречености
Гостиварката Маргарита Милошеска, која ја покрена иницијатива, кандидатите за градоначалници да потпишат Декларација за поддршка на лицата со попречености, изразува задоволство од досегашниот тек на активностите. Координаторката на Ресурсен центар и мајка на девојче со церебрална парализа, не‘ информираше дека голем дел од кандидатите дале своја поддршка (над 20), а со средби продолжуваат и во наредните денови.
Меѓу нив се и двајцата кандидати за градоначалник на Гостивар, кои влегоа во вториот круг Арбен Таравари од Алијанса и Невзат Бејта од ДУИ.
Милошеска вели дека деновиве оствариле конструктивна средба со кандидатката за градоначалник на град Скопје, Данела Арсовска која дала ветување дека ќе ја потпише декларацијата првиот ден после изборите, доколку добие мандат. Поддршка очекуваат и од Петре Шилегов со кого имаат закажано средба во среда. „Апелирам до сите кандидати кои до сега не ја потпишаа декларацијата, да го сторат тоа во наредните денови, пред вториот круг на избори“, вели Маргарита.
Во декларацијата се наведува дека кандидатите кои ќе станат идни градоначалници во текот на првите шест месеци од мандатот, општината под нивно раководство ќе направи мапирање на социјалните сервиси и ќе изготви социјален план. Исто така, во текот на првата година од мандатот ќе се направи анекта и евидентирање на сите лица со попреченост, со посебен осврт на нивните потреби, но и на нивните вештини и знаења, во правец на задоволување на потребите и нивна инклузија, интеграција и социјализација.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар