fbpx
Поврзи се со нас

Вести Гостивар

Нагло се зголемува бројот на заболени од грип во Гостивар

Објавено

на

Грипот ги напаѓа гостиварци. Драстично е зголемен бројот на заболени. За една недела, на подрачјето на Гостивар регистрирани се над 430 нови случаи на пациенти со грип. „Годинава, споредено со лани истиот период, бележиме отстапување во однос на ширењето на вирусот. Секојдневно расте бројката на заразени“, потврдуваат од епидемиолошкото одделние во Гостивар. Тешки случаи за сега нема, но евидентирани се граѓани со компликации од вирусот како бронхит, бронхо-пнеумонија и други.

Амбулантите низ градот се преполни. Грипот доминира, но владеат и разни други вируси и респираторни вирози.

Превенцијата што ја препорачуваат лекарите е едноставна: многу течности, витамини, високо ниво на лична хигиена, проветрување на просториите и избегнување контакти со заболени. Тие потенцираат дека граѓаните не треба да се лекуваат на своја рака и ако почувствуваат симптоми на грип да побараат медицинска помош за соодветен третман.

Претходната сезона од вирусот на грип во гостиварскиот регион заболеа 1.500 граѓани.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!