Награди за ученици од Гостивар на државното училишно првенство во скијање

Гостиварци се покажаа како успешни скијачи и се закитија со награди на државното првенство во скијање за основни и средни училишта. Натпреварувањето, што го организира Федерацијата на училишни спортови, се одржа  во петокот (18 февруари) на Бистра, во Маврово, а прелиминарните резултати беа објавени вчера.

Во ревијалната категорија која ги опфати прво и второодделенците, најдобар беше Петкоски Виктор, ученик во ОУ „Гоце Делчев“ во Гостивар.

Во официјалните категории, во женска конкуренција за средношколци од 1 и 2 година, трето место освои гимназијалката Слаѓана Стојаноска, додека во машка конкуренција, Валентино Бошковски освои второ место.

Во машка категорија за 3 и 4 четврта година, двајца ученици од гимназијата стигнаа до награди. Петков Владимир осови прво место, а Анастасоски Влатко, трето.

На првенството учествуваа 350 ученици од земјава.