НАЈЧИТАНИ ВО 2019-та: Иселеник од гостиварско Страјане донираше 65 кревети за болницата

На опашката сме од оваа 2019-та година и редно е да се потсетиме на најинтересните и најчитаните текстови на Gostivarpress.mk од јануари, па се до денеска. Порталот Gostivarpress.mk во 2019 објави околу 4.500 вести, од кои 90% се авторски на редакцијата и имаше повеќе од 4.050.000 посети.

Време е на празнувања и почитувајќи го тој дух и за да придонесеме за поубава празнична атмосфера, ќе ги заобиколиме вестите од црната хроника. Денес и утре, целосно ќе ги реобјавиме најчитаните прилози, да се потсетиме што беше тоа што најмногу го привлече вашето внимание…

Иселеник од гостиварско Страјане донираше 65 кревети за болницата

Објавенo на: Окт 15, 2019 @ 18:21

Општата болница „Ферид Мурад“ во Гостивар доби 65 болнички кревети кои ќе бидат распределени низ одделенијата. Креветите ги донираше Насир Сулејмани, кој води потекло од гостиварското село Страјане, а живее и работи во Базел, Швајцарија. Донацијата е веќе транспортирана во болницата, а креветите се и целосно опремени со соодветни душеци и нова постелнина.

Од раководството на здравствената установа велат дека донацијата е добредојдена за болницата и изразуваат благодарност кон иселеникот за добрата соработка и покажаната грижа кон установата и граѓаните коишто се лекуваат тука.