НАЈЧИТАНИ ВО 2020: Гостивар обединет во тагата – Меморијалниот марш се заокружи на градскиот плоштад

На опашката сме од оваа 2020-та година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид). Порталот Gostivarpress.mk во оваа 2020 објави околу 4.200 вести, од кои 95% се авторски на редакцијата и имаше повеќе од 8.151.000 посети.

Денес утре и задутре, целосно ќе ги реобјавиме 15-те најчитаните прилози, да се потсетиме што беше тоа што најмногу го привлече вашето внимание…

Објавено на: Фев 13, 2020 @ 20:44

По повеќе од 50 километри поминати во пешачење со старт од селото Ласкарци, учесниците на денешниот Меморијален настан, го завршија маршот преку градските улици на плоштадот во Гостивар.

Таму ги пречекаа граѓани коишто на овој начин се приклучија во оддавањето почит на жртвите во сообраќајната несреќа од 13 февруари, 2019-та година.

На плоштадот свои пораки за поголема свесност и безбедност во сообраќајот, како и меѓусебно почитување и хуманост искажаа градоначалникот Арбен Таравари, отец Александар Јанкоски од гостиварското архиерејско намесништво, Малзим Зендели од гостиварското Муфтиство и Замир Мустафаи, еден од иницијаторите на маршот.