Гостивар
НАЈЧИТАНИ ВО 2020: Успешно – Еве го прототипот на автомобил со дизајн на гостиварецот Михаел (видео)
На опашката сме од оваа 2020-та година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид). Порталот Gostivarpress.mk во оваа 2020 објави околу 4.200 вести, од кои 95% се авторски на редакцијата и имаше повеќе од 8.151.000 посети.
Денес утре и задутре, целосно ќе ги реобјавиме 15-те најчитаните прилози, да се потсетиме што беше тоа што најмногу го привлече вашето внимание…
Објавено на: Јун 20, 2020 @ 11:22
Убава вест во време на ковид пандемија ни доаѓа од светот на автомобилската индустрија, а врзана за млад гостиварец. Странската компанија Електра изработи прототип на автомобил со дизајнерски потпис на триесетгодишниот Михаел Мерклер од Гостивар. Возилото веќе се тестира по улиците, а досегашните направени тестови покажуваат функционалност.
„Можам да кажам дека сега почнувам да го живеам мојот сон и дека вложениот труд и време се исплаќаат. Моментот кога гледате дека она што сте го смислиле и дизајнирале станува реалност е нешто драгоцено, тоа чувство едноставно не може да се опише со обични зборови. Додека траеше создавањето на протитипското возило од компанијата редовно ми испраќаа видеа да можам да следам како тече процесот и навистина возбудата е голема да се види како тоа што си го замислил, било обична идеја, па си го креирал, сега веќе е реално.“, вели дизајнерот.
Михаел објаснува дека се правеле измени од првичниот изглед и намена на возилото, но дека од крајниот резултат е многу задоволен.
„Првичнот план беше да се изработи спортски автомобил, со две седишта, но пред да почнеме со изработка на прототипот дојдовме до идеја суперавтомобилот да го направиме попрактичен со тоа што додадовме уште две седишта во задниот дел и поголем багажен простор. Со самото тоа дојде до промена на планот и платформата. Во игра беа повеќе дизајни, а се одлучивме за дизајнот со златната решетка. Формата е во вид на купола, што стана да речеме како едно обележје на фирмата“, појасни гостиварецот.
Планот е автомобилот да започне да се произведува наесен, но тоа сепак ќе зависи и од текот на глобалната коронакриза.
За страста на Мерклер кон дизајнот на автомобили Gostivarpress. mk објави сторија минатата година.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар