Гостивар

НАЈЧИТАНИ ВО 2020: Вработените во Трио стакло Гостивар: Од срце им благодариме на Леон и Нове, тие се редок пример на грижа за работниците

Објавено

пред 3 недели

на

31/12/2020

Од

Gostivarpress.mk

На опашката сме од оваа 2020-та година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид). Порталот Gostivarpress.mk во оваа 2020 објави околу 4.200 вести, од кои 95% се авторски на редакцијата и имаше повеќе од 8.151.000 посети.

Денес утре и задутре, целосно ќе ги реобјавиме 15-те најчитаните прилози, да се потсетиме што беше тоа што најмногу го привлече вашето внимание…

Објавенo на: Фев 8, 2020 @ 18:25

Гостиварската компанија Трио стакло е навистина редок пример во денешниот бизнис свет по искажувањето почит и исклучителниот добар однос кон вработените. „Ние функционираме како едно големо среќно семејство, кадешто владее позитивна енергија, има почит и разбирање. Нашите газди се луѓе кои знаат и умеат максимално да ги ценат нашиот труд и посветеноста“, велат вработените.

Вработените ја контактираа нашата редакција со барање јавно да се заблагодарат за односот на сопствениците на фирмата и се` она што низ годините го имаат направено за да им го разубават секојдневието и животот.

„Сакаме да упатиме огромна благодарност до сопствениците Леон Василески и Нове Петрески. Тоа се прекрасни личности какви што ретко се среќаваат во денешно време. Не само што делот на платите секогаш е редовен и коректен, туку добиваме многу повеќе. Ни плаќаат и одмори, екскузрии, викенди за нас и нашите семејства. До сме биле на многу места на трошок на компанијата како: Турција, Грција, Египет, Бугарија, крстарења и други дестинации. Знаат пријатно да не изненадат со подароци, па така од нив сме добивале добра спортска опрема, како патики, тренерки и слично. Најважно од се` е што меѓу нас постои еден другарски однос, и сето тоа не` мотивира како работници уште повеќе да се посветуваме на работата. Им благодариме од срце“, велат Дејан, Деан, Владимир, Даниел, Зоран, Деан, Леон, Стефан и Саве вработени во компанијата која годинава ќе слави 20-години постоење.