Најчитаните Топ 5 вести во 2024 година на Gostivarpress.mk

Еве ги топ 5 вести за 2024 година, кои заслужено се истакнаа:

На пазарот во Гостивар „од пиле млеко“ – Цените намалени, торбите пополни

Објавено на 15.03.2024

Пазарниот вторник секогаш е интересна тема за граѓаните на Гостивар, особено кога се носат позитивни вести. Намалувањето на цените на пазарот во Гостивар и богатиот избор на производи беа причина оваа сторија да се најде меѓу најчитаните во годината.

Колку долго трае еден акумулатор, зошто откажува и како да трае подолго?

Објавено на 05.10.2024

Техничките совети од рубриката Магазин секогаш наоѓаат широка публика, особено кога се практични и применливи. Оваа корисна статија за тоа колку трае еден акумулатор и на наше изненадување привлече огромен број читатели.

Гостиварецот Гоце Димовски нов директор на Дирекцијата за ТИРЗ

Објавено на 10.07.2024

Промените на раководни позиции секогаш будат интерес кај публиката. Изборот на Гоце Димовски за директор на Дирекцијата за технолошко-индустриските развојни зони предизвика читателски интерес, ставајќи ја оваа вест меѓу најчитаните во 2024.

Гледајте денес – Видео интервју со д-р Стојо Бошкоски

Објавено на 12.09.2024

Најавата за видео интервјуто со д-р Стојо Бошкоски е една од најпосетуваните содржини на нашата веб-страница во оваа 2024 година. Д-р Бошкоски со својот отворен и инспиративен разговор ги освои и читателите и гледачите.

ПАТЕПИС: Во прегратките на Кораб – Светилиштата како вечност

Објавено на 05.11.2024

Оваа објава технички не е со најголем број на посети, но сторијата е на прво место затоа што од сите 3.800 емитувани објави оваа година најмногу го задржа вниманието на читателите. Според аналитиката, посетителите поминале најмногу време задржувајќи се на фоторепортажата – во просек 12 минути и 11 секунди ( вкупно: 557 часа, 35 минути и 26 секунди) поминати на Gostivarpress.mk, уживајќи во приказната исполнета со легенди, мистични предели и природна убавина под Кораб, што е највисоко од сите објави во 2024 година.