Најдобрата домашна чорба за окрепување на организмот при настинки

Добро е познато дека чорбите може многу да помогнат во борбата против настинките. Се разбира дека најкорисни се домашно приготвените, кои содржат големи количини разновиден зеленчук. Во продолжение предлог рецепт за домашна чорба од нас за сите што ги обожаваат и за оние на кои им треба окрепување на организмот.

состојки:

3 пилешки батаци

3 моркови

1 кромид

2 чешниња лук

3 домати

1 блага пиперка

1 лута пиперка

ѓумбир

2-3 лажици пченка

сол, црн бибер, магданос

подготовка: Сварете ги батаците, потоа одвојте го месото од коската и исецкајте го ситно. Сите други состојки (освен ѓумбирот, пченката и зачините) исечете ги најситно што можете и ставете ги во тенџере да се варат, околу 10 минути. Потоа додадете го месото од пилешките батаци со малку од водата во која се вареа и изрендајте го ѓумбирот и ставете ја пченката. Варете уште 5 минути, а на крај додадете сол, црн бибер и магданос.