Вести
Најмалку 35 повредени во земјотрес во Турција
Силен земјотрес утрово ја погоди северозападната турска провинција Дузче во кој се повредени 35 луѓе, соопшти турскиот министер за здравство Фахретин Коџа.
Тој на Твитер напиша дека вкупно 32 лица се повредени во Дузче, каде бил епицентарот на земјотресот, а три лица се повредени и во провинциите Истанбул, Болу и Зонгулдак.
Коџа додаде дека еден од повредените во Дузче е во критична состојба.
Турскиот министер за внатрешни работи Сулејман Сојлу, кој пристигна во Дузче веднаш по земјотресот, рече дека нема жртви.
Турската Агенција за управување со катастрофи и вонредни состојби (АФАД) соопшти дека земјотрес со јачина од 5,9 степени според Рихтеровата скала, чиј епицентар бил областа Гољака, се случил во 4:08 часот наутро.
Како што пренесе Анадолија, земјотресот се случил на длабочина од 6,81 километри.
По земјотресот, регистрирани се вкупно 18 последователни потреси. Во регионот како мерка на претпазливост се воведуваат прекини на струја, соопшти АФАД.
Гувернерот на Дузче Џевдет Атај најави дека училиштата денеска ќе бидат затворени поради земјотресот.
Во 1999 година, провинцијата Дузче беше погодена од земјотрес со јачина од 7,2 степени според Рихтер, кој траеше 30 секунди, во кој загинаа 710 луѓе, а беа повредени 2.679 лица.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар