Најтивката просторија во светот, во која никој не издржал повеќе од 45 минути

Според Гинисовата книга на рекорди, Orfield Laboratories во Јужен Минеаполис е дом на “најтивкото место на светот“. Лабараторијата се вика “глува комора“, што значи дека во оваа соба нема никаков одек, бидејќи таа впива 99,99% од звукот.

Различни произведувачи ја користат за тестирање на своите производи и квалитетот на звукот, но исто така е отворена и за посетители, и да се обидете да останете нормални во неа повеќе од 45 минути.

Основачот и претседател Стивен Орфилд, ужива во тоа да ги предизвикува посетителите да престојуваат во оваа соба сами во мрак што подолго, а досегашниот рекорд е 45 минути. Повеќето луѓе ја напуштаат собата после дваесетина минути, бидејќи тешко се поднесува толкава тишина, со оглед на тоа што во собата слушаат звуци што никогаш не ги слушнале – звукот на сопственото тело, како што е звукот кој го произведува срцето, желудникот, градите и крвта.

Орфилд објаснува дека единствен начин да останете во собата подолго време е да седнете. Бидејќи собата ни ги одзема сите звучни сигнали кои вообичаено ги слушаме, делува нагло збунувачки, перцепцијата станува искривена, а рамнотежата и движењата безмалку невозможна мисија.