Најубавата кремаста пикант салата

Ова е одличен рецепт за оние кои обожаваат кремасти салати. Нема да згрешите ако ја послужите како мезе, а може да биде и главно јадење со оглед на тоа што содржи и риба.

состојки:

200 гр. чаден лосос

3 тврдо варени јајца

2 чешниња лук

парче целер

1 лажичка сенф

1 лажичка чили сос

1 лажица мед

1 лажичка сок од лимон

200 гр. мајонез

150 гр. павлака

100 гр. крекери

магданос

сол, бибер

подготовка:Лососот се сецка ситно. Жолчките од јајцата убаво се гмечат, а белките се сецкаат на ситни парчиња. Целерот и лукот се рендаат. Сите тие состојки се мешаат и им се додаваат мајонез, павлака, сок од лимон, сенф, мед, чили сос како и зачините. На крај, се кршат крекерите и се додаваат, салатата добро се меша и е готова за јадење.