Занимливости
Најубавите дворци во Европа
Дворците или замоците, се едни од најважните историски градби на светот, а сигурно и меѓу најубавите и најимпресивните. Послужиле како инспирација за многу бајки, приказни и легенди, а кога малку подобро ќе ги погледнете, не е чудно што со векови ја потикнувале имагинацијата и биле толкав извор на инспирација.
Еве неколку од нив:
Neuschwanstein, Германија
На врвот, на карпа над клисура, 5 km од Фусен, се наоѓа еден од најубавите и најбајковити дворци во светот Neuschwanstein – Нов лебедов камен. Иако заповедта на кралот Лудвиг II, кој воедно и го изградил, била дворецот да се сруши по неговата смрт, неговата желба не била исполнета. Со што светот добил уште една неверојатна градба, а Волт Дизни инспирација за дворецот на Заспаната убавица.
Château de Chaumont, Франција
На помалку од 200 km јужно од Париз, помеѓу градовите Турс и Блоис, одалечен 40 метри од брегот на Лиор, во природна оаза се наоѓа прекрасниот дворец Château de Chaumont (или Château de Chaumont-sur-Loire).
Alnwick Castle, Англија
Alnwick Castle е средновековна тврдина и упориште на моќното семејство Перси, го изградил Војводата од Нортумберленд, се наоѓа во истоимениот град Нортумберленд, традиционална, церемонијална и административна грофовија во северна Англија.
Alcázar de Segovia, Шпанија
Alcázar de Segovia е бајковит средновековен дворец кој се наоѓа во стариот шпански град Сеговиа. Потекнува уште од 2-от век пред нашата ера.
Convento de Cristo, Португалија
Convento de Cristo (Манастир на Христовиот ред) денес служи како римокатолички манастир во градот Томару, но во 12-от век кога е изграден, дворецот бил многу важна твдина на легендарните Темплари.
Bojnický zámok, Словачка
Замокот Bojnický е средновековен дворец кој се наоѓа во градот Бојнице во Словачка. Денес е најпосетуван самостоен музеј во земјата, кој секоја година го посетуваат околу 200.000 туристи. Покрај туристите редовни гости се и филмските студија кои во него често снимаат одредени сцени.
Hluboká, Чешка
Дворецот Hluboká е еден од најпознатите дворци во Чешка. Изграден е во неоготички стил, а неговиот денешен изглед е направен по пример на дворецот Windsor во Англија. Најстариот претходник на Hluboká е ран готички дворец изграден во 13-ти век. Во текот на средниот век, редовно се менувале сопствениците, им припаѓал и на кралевите и на аристократите, а сите тие го реконструирале и го менувале изгледот на оваа стара средновековна тврдина.
Castelul Peleș, Романија
На крајот од прекрасна шумска патека, на врвот на еден рид на Карпатите, во близина на градот Синаје во Романија, се наоѓа прекрасниот неоренесансен Castelul Peleș, еден од најпознатите и најубави дворци во државата. Изградбата на дворецот ја нарачал првиот крал на Романија Карло I, а службено е отворен 1883-та година.
Balmoral Castle, Шкотска
Дворецот Balmoral е шкотска резиденција на кралското семејство уште откако принцот Алберт го купил за кралицата Викторија 1852-ра година. После смртта на кралицата целата имовина припаднала на кралот Едвард VII, а потоа и на секој од неговите наследници. Поради големината и убавината, Викторија го викала “овој прекрасен рај“.
Kasteel de Haar, Холандија
Kasteel de Haar е најголемиот и најпосетуваниот дворец во Холандија, а се наоѓа во непосредна близина на Утрехт, оддалечен половина час возење од Амстердам. Овој дворец има сѐ што може да се очекува од еден дворец кули, вода околу него, големи капии, висечки мостови, паркови и градини. Без сомневање, Kasteel de Haar е еден од најлуксузните дворци во Европа.
Château de Chambord, Франција
Иако некогаш бил само обична ловечка кабина во шумата Château de Chambord е претворен во најголем дворец од лоирската група, шест пати поголем од останатите, со 440 соби, 84 скали, 365 камини, парк и шума од 4563 хектари и 33 километри ѕидови кои го опкружуваат.
Rosenborg Slot, Данскa
Овој дворец се наоѓа во Копенхаген во Данска. Првобитно е изграден во 1606-та година како летниковец. Овој ренеснсен дворец се смета за еден од најдобрите примери од многуте архитектонски проекти на Кристијан IV.
Castell Conwy, Велс
Conwy е еден од ретките дворци кои и понатаму овозможуваат автентично средновековно доживување на воената архитектура, а негов најдобар и наједноставен опис можеме да најдеме во водичот на велската историја, во кој се наведува: “Conwy е по сите стандарди една од највеличенствените тврдини на средновековна Европа.“
Pałac w Mosznej, Полска
Ова е еден од најпознатите и најубави дворци во Полска, сместен во близина на градот Мосзна. Неговиот спој на неоготичка, барокна и неоренесансна архитектура, величенствената градина и дури 99 кули му даваат изглед на класичен дворец од бајките.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар