Најважното што треба да го знаете за јаглехидратите

Од тестенини и леб до банани и грав, јаглехидратите се повеќе од примамливи и вкусни задоволства, компоненти на многу намирници и тие се клучен дел од здравата исхрана.

Јаглехидратите може да се поделат во два вида: едноставни и сложени. Едноставните јаглехидрати брзо се варат, обезбедуваат енергија и лесно се апсорбираат во вашите крвни зрнца. Од друга страна, на сложените јаглехидрати им треба одредено време за да се апсорбираат поради сите влакна, витамини, минерали и други корисни соединенија што ги содржат. Ако се консумираат во умерени количини, тие се навистина корисни за вашето здравје.

Ова се најдобрите видови на храна со јаглени хидрати што треба да ги вклучите во вашиот план за исхрана, во зависност од вашите моментални здравствени цели.

Слабеење

Сигурно многу пати сте слушнале дека ако сакате да ослабете, мора да ги исфрлите сите јаглени хидрати од исхраната. Но, тоа не само што не е точно, туку има и спротивен ефект – доколку не внесувате доволно калории и немате енергија (која нормално би ја добиле од јаглехидратите), кога ќе завршите со строг режим, постојат големи шанси да ќе ги надополните сите изгубени килограми и за кратко време ќе почнете да консумирате голема количина (најчесто нездрава) храна. Поради оваа причина, многу рестриктивни режими не се успешни на долг рок.

Важно е да се избегнува вишокот јаглехидрати, но целосното исфрлање на оваа храна од исхраната може да биде штетно за метаболизмот. За губење на тежината, изберете јаглехидрати богати со влакна од состојки како овошје, зеленчук и интегрални житарки, во комбинација со посни протеини и здрави масти за да се спречат скокови на шеќер во крвта и падови.

Спортски активности

Јаглехидратите се клучен дел од исхраната на многу спортисти. Иако често слушаме како протеинот се пофалува како најважна хранлива материја, јаглехидратите се одговорни за нашите резерви на гликоген, главниот извор на енергија за тренинзи со висок интензитет и долги сесии.

Гликозата која претежно се наоѓа во храната базирана на житарки, е форма на јаглени хидрати кои телото најдобро ги користи за време на вежбањето и затоа е препорачаниот извор на енергија за време на подолги периоди на вежбање. Можете да изберете едноставни јаглехидрати, како спортски пијалоци, како и грицки, за да имате доволно енергија.

Здравје на срцето

Влакната од растенијата можат да помогнат во намалувањето на холестеролот со забавување на варењето, намалување и стабилизирање на шеќерот во крвта. Влакната примарно се наоѓаат во јаглехидратите како што се овошјето и зеленчукот, цели зрна и мешунките.

Иако сите влакна се важни, постојат два главни типа: растворливи и нерастворливи. Растворливите влакна (боранија, грашок, брокула, боровинки, моркови, слатки компири, нектарини, смокви…) се раствораат во вода и формираат супстанца слична на гел, помагајќи да се намали холестеролот и да се регулира нивото на шеќер во крвта.

Контрола на шеќер во крвта

Истиот тип на јаглени хидрати кои имаат корист за здравјето на вашето срце е одговорот за одржување на шеќерот во крвта под контрола, односно влакна. Ако некогаш сте доживеале пад на шеќер во попладневните часови, после ручекот, виновникот веројатно се рафинираните јаглехидрати. Наместо тоа, изберете сложени јаглехидрати кои се преполни со влакна, кои побавно се варат и ви обезбедуваат подолготрајни резерви на енергија.

Храната богата со јаглени хидрати вклучува јаткасти плодови, овошје, зеленчук без скроб, како што се спанаќ и краставици, скробен зеленчук како пченка, кафеав ориз, тестенини од цели зрна и леб.

Здраво варење

И во овој случај, влакната се главниот одговор. Улогата на влакната во здравјето на цревата е повеќеслојна. Тие ги хранат добрите бактерии во цревата и помагаат да се одржи цревната обвивка здрава и недопрена. Изберете јаглехидрати како цели зрна кои вклучуваат пченични трици, кои се преполни со нерастворливи влакна.