Највисоката исплатена плата во март била над 70.500 денари, најниската околу 16.000 денари

Според податоците на Државниот завод за статистика просечната месечна исплатена нето-плата по вработен, во март 2021 година, изнесувала 28.217 денари и бележи зголемување во однос на март 2020 година.

„Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (17.9 %), Дејности на здравствена и социјална заштита (12.3 %) и Информации и комуникации (12.1 %). Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен (14.9 %), Дејности на здравствена и социјална заштита (5.3%) и Градежништво (4.0 %).“, соопшти ДЗС.

Највисоката плата ја имаа компјутерските програмери и тоа 70.551 денар. Добро котираат и вработените во телекомуникации со 48.734 денари и фармацевтите со 46.501 денар плата. Најниски плати добиваат  текстилците (17.762 денари) организатори на патувања, туроператори (17.280 денари) и вработените во кожарска индустрија (16.016 денари)