Намалена видливост поради магла на Стража и кон Шапка

Од напладне на неколку патни правци во земјава има намалена видливост, поради што на возачите им се препорачува зголемена внимателност.

Автомото Сојузот на Македонија информира дека сообраќајот се одвива во зимски услови по влажни коловози, на некои повисоки места со остатоци од кашест снег на коловозот, по интервенција на дежурните служби на ЈП Македонија пат. Намалена видливост поради појава на магла од 30 – 50 метри има на патниот правец Тетово – Попова Шапка, од 100 – 150 метри на Страцин, од 100 – 150 метри на планинскиот превој Стража и до 50 метри на планинскиот превој Плетвар.