Намалена видливост поради магла на Стража

Сообраќајот на државните патишта се одвива по претежно влажни коловози, информираат од АМСМ. Поради појава на магла намалена е видливоста од 50 до 100 метри на планинскиот премин Стража и во Битола. Слаб снег провејува на П.Шапка, Ѓавато и Буково кој во моментов не се задржува на коловозот.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се наместа влажни, па поради ниските температури карактеристични за вечерните и утрински часови постои можност и од појава на голомразица.