Намирници кои можат да ви помогнат да се спротиставите на првите знаци на стареење

Одредени намирници од растително потекло имаат неверојатна моќ за одржување на тонот на кожата, благодарение на витамините и антиоксидансите. Со консумирање на овие намирници може да се зголеми еластичноста на кожата, што придонесува за намалување на постоечките брчки и спречување на нови. Во продолжение, кои се тие намирници:

Црвена пиперка

Овој зеленчук е богат со витамин Ц, кој е природен антиоксиданс и го поттикнува природното производство на колаген. Покрај тоа, во црвените пиперки бабура има многу капсантин, кој ѝ помага на кожата да создаде природна бариера за заштита од сончевите зраци. Оваа храна помага да се одржи кожата хидрирана, цврста и младешка.

Лубеница, домат, грејпфрут

Лубениците и другото црвено овошје и зеленчук (како што се доматите и црвениот грејпфрут) се богати со ликопен – природен пигмент кој исто така е многу моќен антиоксиданс. Според експертите, ликопенот значително придонесува за подобар изглед на кожата и ја враќа нејзината виталност, а може да се најде и во гоџи бобинките.

Брокула

Брокулата е исклучително здрав зеленчук кој помага во спречување на Алцхајмеровата болест, го обезбедува телото со потребната количина влакна и ги „пегла“ брчките. Клучот за нејзината ефикасност во борбата против првите знаци на стареење лежи во големата количина витамин Ц, кој е вклучен во процесот на производство на колаген.

Бадеми

Ако не сте љубител на зеленчук, бадемите се вистинскиот избор за вас. Тие се одличен извор на здрави омега-3 масни киселини и витамин Е, кои се многу важни за здравјето на кожата. Истражувањата покажуваат дека влијанието на бадемите врз кожата кај жените во постменопауза е значајно и дека првите ефекти се видливи веќе по 16 недели.

Моркови

Уште од детството нè учеа дека морковите се одлични за видот, но она што не ни го кажаа е дека тие се одлични и за враќање на тонот на кожата. Морковите се богати со бета-каротин, кој се претвора во витамин А, кој е една од најважните состојки во ретиноидите – производи кои се користат за борба против брчките.

Темно чоколадо

Темното чоколадо е богато со полифеноли и антиоксиданси, што го прави одлично за здравјето на кожата. Сепак, важно е процентот на какао во чоколадото да биде висок, најмалку 70 проценти. Многу истражувања го докажаа анти-ејџинг ефектот на овој вид чоколадо и потврдија дека ги намалува брчките на лицето за само 3 месеци.