Шест намирници кои се добри за вашиот мозок и меморија

Храната богата со соединенија како што се антиоксиданти и омега-3 масните киселини, може да има позитивен ефект врз здравјето на вашиот мозок и да ја подобрат меморијата.

Погледнете кои 6 намирници, кои според различни испитувања ќе ви помогнат да ја подобрите меморијата и когнитивните функции.

Спанаќ

Овој лиснат зеленчук полн е со витамини Ц и Е, кои помагаат за подобрување на когнитивната функција.

Кафе и чај

Тие нè одржуваат будни наутро, но тоа не е сè што прават за нас. Кафето спречува Алцхајмерова болест, додека чајот ја подобрува нашата меморија и брзината со која обработуваме информации.

Риба

Испитувањата покажуваат дека вклучувањето риба (кое е богато со омега-3 масни киселини) во редовната исхраната може да го спречи падот на когнитивниот капацитет кој се намалува како старееме. Рибата е исто така богата со витамин Б12, кој помага во борбата против Алцхајмеровата болест.

Капини

Преполни се со витамини, доколку ако сакате да ја подобрите вашата меморија ова е вистинскиот лек. Овошјето како што се капини и малини, изобилуваат со антиоксиданти, го намалуваат нивото на стрес во клетките кои се поврзани со стареењето и генерално ја подобруваат когнитивната функција на мозокот.

Моркови

Морковите одамна се познати како храна која е добра за очите, исто така одлична е и за мозокот. Содржи високо ниво на лутеолин, кој според некои студии, може да помогне да се запре губењето на меморијата што се јавува со годините. Маслиновото масло, пиперките и целерот се исто така полни со лутеолин.

Ореви

Оревите дури и со нивниот изглед, потсетуваат на мозокот и содржат високи ниво на антиоксиданти кои им помагаат на мозочните клетки да се борат со слободните радикали.