Наоѓање на главата на Св.Јован Крстител која извршила многубројни чуда

Според календарот на Македонската православна црква денес е Прво и второ наоѓање на главата на Св. Јован Крстител.

Овој светец бил обезглавен по желба и барање на Иродијада (жената на царот Ирод). Плашејќи се да не воскресне, таа побарала главата да не се закопува заедно со телото, туку да се фрли на буниште во дворецот. Од таму тајно била откопана од една дворјанка Јоана, која била голем верник. Таа ја пренела главата на свето место во Ерусалим на Елеонска Гора.

На тоа место подоцна главата ја нашол Инокентиј, угледен богаташ кој се замонашил, што се смета за прво наоѓање. Откако ја целивал, повторно ја закопал на истото место. Нејзиното второ наоѓање е во петтиот век.

Од отсечената глава на Св.Јован, која во времето на партијархот Игнатиј била пренесена во Цариград, се случиле многу чуда.