Нападнати жени во Гостивар и Чегране

СВР Тетово извести дека вчера (10 август) во 20 часот на улица „Гоце Делчев“ во Гостивар, полициски службеници од Полициска станица Гостивар ги привеле Д.Ф.(39) и 61-годишната У.Ф од Гостивар, поради тоа што околу 19 часот физички ја нападнале 43-годишната гостиварка Ф.А.

Истите се задржани во полициска станица за понатамошна постапка, по што ќе следи соодветен поднесок.

Исто така вчеравечер во 21.20 часот  во Полициска станица Гостивар М.Д. пријавила дека околу 18 часот во гостиварско Чегране, во куќа каде била во посета, по кратка вербална расправија, била физички нападната од две женски лица.

Случајот се расчистува и против инволвираните ќе следува соодветен поднесок, информира полицијата.