Нападнато и истепано момче од Гостивар завршило со тешки телесни повреди

Момче од Гостивар завршило на лекување на скопските клиники, по напад од три лица.

Секторот за внатрешни работи информира дека вчера (26 јуни) во Полициската станица Гостивар, 48-годишниот В.Б. од Гостивар, пријавил дека на 23.06.2019 година во 4.40 часот, неговиот син А.Б. во селото Дебреше, бил физички нападнат од три засега непознати лица.

Момчето во нападот се здобило со тешки телесни повреди и било пренесено во комплексот клиники „Мајка Тереза“ во Скопје.

Полицијата соопшти дека се работи на расчистување на случајот.