Гостивар
Наплив на пациенти со стомачни тегоби од регион на Врапчиште
Голем број на пациенти од различни возрасти од села во регионот на Општина Врапчиште, изминатите денови се јавиле на лекар поради стомачни тегоби: повраќање и пролив, кај некои проследено со покачена температура.
На детското одделение во гостиварската болница дневно третирале од 50 до 70 деца со такви симптоми, повеќето од посоченото подрачје.
„Изминатите пет дена имавме зголемен број на пациенти со цревни инфекции, од кои поголемиот број од села од Општина Врапчиште. Сите со повраќање, некои со покачена температура и течни столици. Дневно беа третирани од 50 до 70 деца. Главно повеќето по примената инфузија со одредена терапија од наша страна беа препраќани дома, а мал дел се задржани на натамошно лекување на одделението. Добивме информација дека и родители на нашите пациенти со исти симптоми барале помош наа инфективното одделение, што значи фамилијарно заболеле. Информирана е епидемиолошката служба, тие беа на нашето одделение, зедоа податоци и останува да преземат мерки и да видат од што е заразата“, информираше раководителот на детското одделение, д-р Ферит Муча, кој додаде дека последните два дена состојбата се потсмирува, а последните 24 часа бројот на пациенти паднал на 30.
Која е причината за цревната зараза, дали се работи за вирусна или бактериска инфекција се‘ уште не е утврдено. Од подрачната единица на Центарот за јавно здравје во Гостивар добивме информација дека вонредно се прават анализи на водата за пиење, земени се мостри, а комплетните резултати ќе се знаат во наредните денови.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар