Нарушувања на јавен ред и мир и непочитување полициски наредби во Гостивар

Гостиварската полиција вчеравечер привела 38 годишен жител на Сенокосе  поради сомнение за инволвираност во нарушување на јавниот ред и мир, кое претходно се случило на улица „Браќа Ѓиновски“ во Гостивар, а било пријавено од жител на Лакавица.

Во Гостивар, на градскиот плоштад вчера околу пладне, бил приведен 37 годишник од Беловиште, поради непочитување наредба. По расчистување и документирање на случајот ќе му биде изготвена пријава според Законот за прекршоци против јавниот ред и мир.

Околу 15 часот и 50 минути, полициски службеници на Одделението за безбедност на патниот сообраќај Гостивар привеле 42 годишник од Скопје, кој со своето возило првично не застанал на даден знак, а потоа им дал лажни податоци. Се расчистува случајот и ќе му биде изготвен поднесок.