Наскоро во Гостивар ќе се отвори Центар за деца со аутизам

Во завршна фаза се подготовките за Центар за деца со аутизам во Гостивар. Како што информираат од локалната самоуправа, наскоро овој центар ќе биде ставен во функција, во соработка со партнери, експерти од областа.

Просториите на Центарот се наоѓаат во објектот на гостиварскиот интернат. Установата ќе обезбедува помош и поддршка за децата со аутизам и нивните родители со цел полесно да се соочат со предизвиците со кои се соочуваат.

Од општината нагласуваат дека како раководство, посебно внимание посветуваат на разгледување и  креирање на развојните приоритети, како и на донесување поголема перспектива за заштита на лицата со посебни потреби, особено децата, за како што велат и тие да станат рамноправен дел на општество, кое по правило им припаѓа.