Насмевки, прегратки и весела атмосфера на новогодишната забава за децата од Дневниот центар во техничкото училиште

Учениците и професорите од средното техничко училиште во Гостивар ги израдуваа дечињата од Дневниот центар со новогодишна забава. Целосно им го посветија денешниот ден и во знакот на празнувањата подготвија игра, музика, храна, новогодишна атмосфера со оригинална елка од книги, декорации и друго.

„Во нашето училиште секоја година традиционално се организира новогодишен базар. Овојпат решивме да приредиме забава за дечињата од Дневниот центар и да ги израдуваме со многу изненадувања“, рече Гајур Идризи, директор на средно техничко училиште

Аслиан Снопче, раководител на Секторот за образование во општина Гостивар ја поздрави иницијативата на средното техничко училиште и нагласи дека тоа е позитивен пример што треба да го следат и останатите образовни установи.

Тимот на Дневниот центар и дечињата што го посетуваат изразија голема благодарност до организаторите на дружењето и им подарија новогодишна честитка изработена од самите деца.