Натпревар на сезоната за гостиварци: КК Гостивар – МЗТ Скопје, вторник, 18 часот

После 48 часа пауза во вторник, во Младост, се игра вториот натпревар од полуфиналната пресметка помеѓу КК Гостивар и МЗТ Скопје. „Штрковите“ го добија првиот дуел во Скопје и имаат 1-0 во серијата, подобар од пет.

За Гостивар слободно може да кажеме ова е натпревар на сезоната. Со победа КК Гостивар ќе ја продолжи еуфоричната атмосфера за најмалку уште 3 дена, закажувајќи уште еден натпревар, а се почнува од почеток и за двете екипи. Втора победа за гостите значително би ја зголемила предноста во полуфиналето, ќе имаат меч топка на домашен терен во третата пресметка.

Гостивар е подготвен за спектаклот што следи, после инвазијата на Аеродром во неделата и одличното издание на гостиварската публика и гостиварските навивачи, за вториот натпревар може само да претпоставуваме што ќе се случува во Младост.

Поддршката од трибините на овој натпревар на “бело-сините” им е повеќе од потребна. Кошаркарите, тренерот, управата ги повикуваат сите љубители на кошарката од Гостивар и регионот, да дојдат и достоинствено ги поддржат гостиварските кошаркари.

Поради важноста на натпреварот, големиот интерес и дополнителните контроли на влезовите, КК Гостивар ја замолува публиката да пристигне барем 15 минути порано од планираното време. Од клубот уште информираат обезбедени се навивачки реквизити за публиката, за комплетна аудио-визуелна „лудница“.

Натпреварот КК Гостивар – МЗТ Скопје, започнува во 18 часот.