Натпросечно топло време и високо УВ зрачење

Во следните денови ќе продолжи сончево и натпросечно топло време, информира Управата за хидрометеоролошки работи. Максималната дневна температура ќе достигне 34 степени, додека во гостиварскиот регион ќе биде 29 степени. УВ зрачењето ќе биде со индекс 8.

Според УХМР, денес и утре во попладневните часови ќе има само изолирана појава на нестабилна облачност, проследена со краткотраен пороен дожд, грмежи и засилен ветер, а во петок и за време на викендот ќе биде нестабилно на повеќе места, локално и во форма на невреме со град. Во недела дневната температура ќе се намали за неколку степени.