Научна студија во Србија: 20% од вакцинираните со Синофарм не развиле антитела

Студија спроведена од страна на научен тим од Институтот за медицински истражувања во Белград, покажала дека 20 % од вакцинираните со „Синофарм“ во Србија немаат развиено антитела на коронавирус, пишува српска Политика. Најголемиот дел од нив биле лица постари од 70 години.

Во текстот понатаму се пренесува изјава на докторката Олгица Ѓаковиќ, научен советник во институтот и раководител на Студијата за следење на природниот и имунитетот на вакцините, според која многу е важно да се донесе одлука дали тие луѓе треба да примаат и трета доза, со оглед дека станува збр за постара популација, од кои многумина имаат хронични болести.

„Тоа е оној дел од популацијата кој беше најревносен во вакцинацијата. Многу од нив имаат хронични заболувања и сакаат да се заштитат од ковид 19. За нас е многу тешко да им објасниме дека сè уште нема можност да се добие друга вакцина. Иако се распрашувавме, мојот десетчлен тим засега нема информации кога би можело да започне ново вакцинирање на овој дел од населението и дали воопшто ќе им“, стои во нејзината изјава.