Технологија
Научници направија камера со големина на зрно сол
Истражувачите од Универзитетот Принстон и Универзитетот во Вашингтон направиле камера со големина на зрно сол. Оваа камера е изградена на таканаречена мета-површина со 1,6 милиони цилиндрични столбови.
Додека традиционалната камера користи серија закривени стаклени или пластични леќи за да ги прекрши светлосните зраци во фокус, новиот оптички систем, дизајниран од истражувачи од Универзитетот Принстон и Вашингтон, се потпира на технологија наречена мета-површина, која може да се произведува слично како компјутерски чип. Широка само половина милиметар, мета-површината е обложена со 1,6 милиони цилиндрични столбови и може да работи исто како сензор за камера.
Секој столб има уникатна геометрија и функционира како оптичка антена. Промената на дизајнот на секој столб е неопходна за да може правилно да се обликува целиот оптички бран. Со помош на алгоритми засновани на машинско учење, интеракциите на колоните со светлината се комбинираат и произведуваат фотографии со широк агол со висок квалитет и целосна боја.
Овој супер-мал уред треба да биде корисен во цела низа истражувања, од овозможување минијатурни роботи да го истражуваат светот, до давање можност на експертите подобро да видат што се случува во човечкото тело.
Еден од посебните трикови со оваа камера е начинот на кој го комбинира хардверот со софтверот за да го подобри квалитетот на сликата: алгоритмите за обработка на сигнал користат техники за машинско учење за да го намалат заматувањето и другите изобличувања што вообичаено се појавуваат кај камерите со оваа големина.
Покрај тоа, овие алгоритми може да се користат не само за подобрување на квалитетот на сликата, туку и за автоматско откривање на дадени предмети, како што се знаци на болест во орган во човечкото тело.
Стаклото налик на силикон нитрид од кое е направена мета-површината е материјал кој се вклопува во конвенционалните процеси на производство на електроника, што значи дека постоечката опрема може да се користи за производство на овие супер-мали камери.
Иако на научниците им претстои уште долг пат пред овој изум од лабораторија да стигне до комерцијалната производна линија, добрата вест засега е дека таков потфат е возможен.
Друга потенцијална употреба на таквите минијатурни камери може да биде да се користат како покривен слој за да се претворат поголеми површини во камери и на тој начин, на пример, да се заменат конвенционалните камери на лаптопи или паметни телефони.
„Би можеле да претвориме одредени области во камери со ултра висока резолуција, така што повеќе не ви требаат три камери на задниот дел од телефонот, туку целиот заден дел од вашиот телефон станува една огромна камера“, вели Феликс Хајд, компјутерски научник на Универзитетот Принстон.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар