Гостивар
Навалица за социјалните станови во Гостивар-За 5 дена поднесени 300 апликации
Огромен интерес за социјалните станови во Гостивар. Во Центарот за социјална работа, каде што се врши пријавувањето, за само пет дена поднесени се околу 300 апликации, што далеку го надминува бројот на станови на располагање, вкупно 70.
„Од отворањето на огласот до сега поднесени се околу 300 апликации, што значи дека интересот е голем, имајќи предвид дека има 70 станови за распределување. Останува да се види какво ќе биде ова темпо во наредните денови, дали ќе се намали или зголеми. Право да аплицираат имаат повеќе категории на граѓани кои се станбено необезбедени и потребната докуменција е зависно на која категорија припаѓаат“, вели директорот на Центарот за социјала, Азби Шаќири.
Според критериумите може да аплицираат: деца над 18 години без родители или родителска грижа односно кои до својата 18 година биле згрижени во институции, корисници на гарантирана минимална помош, граѓани погодени од елементарни – природни непогоди, семејства со лица со попреченост, социјално загрозени припадници на Ромската заедница како и самохрани родители со малолетни деца.
„Тоа што треба да се појасни е дека во случајов за самохран родител се смета само доколку другиот родител е починат, или не е запишан во изводот на родени на детето, односно е непознат, додека не важи ако брачните партнери се разведени“, објасни Шаќири.
Јавниот оглас за доделување на становите беше распишан на 4 март и ќе трае до 4 април. Според изјавата на министерот за транспорт и врски, Благој Бочварски дадена при минатонеделната посета на Гостивар, по завршување на рокот за пријавување, посебна комисија ќе врши увид на терен, па ќе следуваат процедурите за распределба.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар