Не беа изгласани закони, лицата со попреченост се разочарани и од власта и од опозицијата

Повеќе од 90 000 лица со попреченост не добија зголемен додаток за попреченост од 6 000 денари, ниту пак двојно зголемување на личната асистенција. Пратениците како што денеска информираа од здружението коалиција менуваме и партијата Левица не ги изгласале законот за детска, социјална заштитиа и законот за асистенти.

На денешната конференција одржана пред Собранието координаторот на коалицијата „Менуваме“ Суаред Алишан изрази разочарност од власта и опозицијата за кои оцени дека ги гледаат само нивните лични интереси.

„Повторно државата покажа едно непочирување кон правата на лицата со попреченост, државата покажа егзекуција на нашите здравствени права кои треба да ги оствариме и затоа оваа држава можам да кажам дека вреди онолку колку што се грижи за лицата со попреченост. Дали е Северна или Република Македонија не се згрижи, туку не оставија едноставно да умреме, да немаме лекови, да немаме пари. Можеби ние сме со попреченост, но се виде дека тие имаат посебни потреби, пратениците имаат 78 проценти покачување на нивните плати, а кај нас закон донесен во 2013 година додаток за попреченост кој беше седум илјади денари, но со самата инфлација, порасна, а ниту еден не го покачи додатокот“, изјави Суаред Алиша.

Тој изрази разочарување и во опозицијата.

„Срамота за егзекуторот Тренчевска која што заедно со Душан Тошич ги натераа социјалдемократите да не гласаат и да не ги поддржат нашите права.  СДСМ ветуваа дека ќе ги гласаат нашите права, како да им веруваме на нивниот збор после ова. Ние сме разочарани и од оваа власт и од опозицијата. Го прашувам господинот Мицкоски зошто не беа дојдени неговите пратеници да ги гласаат зкаоните, гледаме Мицкоски постојано бара некаква отчетност, зошто не бара отчет од неговите пратеници што не си ги извршуваат обврските“, посочи Алишан.

Упати благодарност до Левица за поддршката, но и до албанските партии за кои рече дека си го одржале зборот и гласале.

Координаторот на партијата Левица Катерина Јовановска истакна дека партијата Левица покажала дека е на страната на народот и посочи дека доколку имале повеќе пратеници во Собрание овие закони ќе биле изгласани уште првиот момент.
„Пратениците на Левица поднесоа предлог измени на два закони со кои ќе се унапредеа паричните додатоци на лицата со попреченост и двојно ќе се зголемеше личната асистенција, меѓутоа пред два дена овие закони не ја добија поддршата во Собрание. Револтира фактот што токму оние функционери кои добија покачување од 78 проценти за нивните прави овојпат не изгласа покачување на додатоците на лицата со попреченост што уште повеќе револтира фактото што токму оние кои од народот се избрани да бидат гласот на народот во Собранието и да ги штитат интересите на народот за жал ги штитат само сопствените интереси“, изјави Јовановска.

Координаторот коалицијата „Менуваме“ најави семасовен протест на денот кога ќе се одржуваат уставните промени со паролата „Да за социјална правда, не за уставни промени“.

„Причината е бидејќи нашата организација побара во уставот член 9 да бидеме дефинирани како лица со попреченост за да можеме да ги оствариме правата, нас не ни треба стратегија преку која некој ќе краде пари, нас не ни требаат луѓе кои зборуваат за другите популации, пратениците кренаа галама за друга популација, други групи, а за нашите закони бегаат“, заклучи тој.