Не мора да пиете лекови: Притиснете ги вистинските точки и главоболката ќе престане

Кога имате главоболка, а немате таблети при рака ви се чини дека нема спас. Меѓутоа, постојат научни начини како да се ослободите од главоболката. Ќе ви ги покажеме техниките кои ќе ви помогнат да го решите овој проблем, брзо и едноставно.

1.Јинтанг точка

Точката Јинтанг или точката на третото око се наоѓа помеѓу веѓите, на местото каде што коренот на носот поминува низ челото. Оваа точка е одговорна за отстранување на болката во очите.

2.Зан Жу точка

Овие симетрични точки, се наоѓаат на самите краеви на веѓите. Масирајте го ова место и со тоа ќе ја засилите острината на видот и ќе го прекинете течењето на носот. Масирајте една минута, со кружни движења.

3.Јинксијанг точка

Овие точки се наоѓаат на двете страни на ноздрите, во линија на очите. Кога ќе ги пронајдете, допрете го дупчето на дното на образот. Ќе ви помогне да ги отпушите синусите, да ја намалите главоболката и да се ослободите од стресот.

4.Тиан Жу точка

Оваа точка се наоѓа на средината на задниот дел од главата, помеѓу ушите и почетокот на кичмата. Масирањето на оваа точка, помага во ослободувањето од назалното запушување, болката во очите и ушите и јаките главоболки и мигрени.

5.Шуаи гу точка

Шуаи гу точката се наоѓа на 2-3 сантиметри од коренот на косата, над ушите. Со притисок на овој дел, се ослободувате од болки и од замор на очите.

6.Хе гу точка

Овие симетрични точки се наоѓаат помеѓу палецот и показалецот. Кога ќе ја притиснете, ќе се ослободите од болки, забоболки и вкочанетост во вратните мускули.

Нежно масирајте го пределот, со кружни движења. Обично, главоболката исчезнува во текот на масажата или 5- 10 минути после тоа.

Една од најчестите причини за глабоволка е дехидрацијата. Ова можете лесно да го решите: кога ќе ги почувстувавте првите знаци на главоболка, напијте се чаша вода, а потоа пијте по малку цел ден.

Лимонот е ефикасна и моќна состојка за лечење на главоболките, бидејќи е освежителен и лековит. Исцедете половина лимон и помешајте го со топла вода. Уште една опција е од кората на лимонот да направите паста, и да ја нанесете на местото каде што имате болка.