Не му ја мислат каде преминуваат улица, казнети 19 пешаци во Гостивар

Полициски службеници на СВР Тетово вчера (13 април) од 11 до 16 часот спровеле уште една од континуираните засилени акциски контроли на пешаци, во рамките на која биле откриени и санкционирани вкупно 27 прекршоци. Од нив 8 во Тетово, а 19 во Гостивар, и сите пешаци ги преминувале улиците надвор од обележани пешачки премини. На сите прекршители изготвени им се соодветни, законски предвидени поднесоци. При контролата, исто така, биле санкционирани и 13 други видови сообраќајни прекршоци, најмногу управување без возачка дозвола 4, погрешно, паркирање 4 и така натаму.

СВР Тетово апелира до пешаците да бидат докрај внимателни каде и како ги преминуваат улиците, како се движат по улиците или на патишта на кои нема обликувани тротоари и максимално да ги почитуваат сообраќајните знаци, правила и прописи. Со тоа најнепосредно ќе придонесат за сопствената и вкупната сообраќајна безбедност на поширокото тетовско-гостиварско подрачје. Ова, дотолку повеќе што претстои период на уште поголема сообраќајна фрекфренција на ова подрачје, нагласува полицијата.