Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 12/02/2019 | 15:09

Не паркирајте по тротоари и на сред улица! Засилени контроли на паркирање низ Гостивар

Сообраќајната полиција ги засилува контролите на паркирање возила по гостиварските улици, со цел да се обезбеди нормално и непречено одвивање на сообраќајот. Досегашното искуство покажува дека значителен дел од возачите во Гостивар не ги почитуваат правилата и прописите за паркирање и ги оставаат автомобилите по тротоари, на пешачки премини, на јавни зелени површини и други недозволени места.

Од Секторот за внатрешни работи напоменуваат дека зголемени контролни активности особено ќе има во централното гостиварско подрачје, на улиците „Браќа Ѓиновски“, „Гоце Делчев“,  „Илинденска“, „ЈНА“ и други.

Во текот на јануари оваа година, на гостиварското подрачје регистрирани биле 46 прекршоци за непрописно паркирање. Казната за овој вид прекршок се движи од 45 до 180 евра или впишување на 25 до 40 негативни поени.

Напишете коментар