Не се почитува закон – Казни за над 20 возачи во Гостивар за пребрзо возење

Секторот за внатрешни работи Тетово периодов спроведува континуирани акциски контроли за брзина на движење по улиците и патиштата на гостиварското и тетовското подрачје. Контролите потврдуваат дека значителен дел од возачите не ги почитуваат правилата и прописите и возат пребрзо, со што ја загрозуваат сопсtвената, но и безбедноста на другите учесници во сообраќајот. Да потсетиме, дека брзото возење е водечка причина за сообраќајните несреќи во регионот.

Во последната акција биле откриени вкупно 27 пречекорувања на дозволената брзина надвор од населено место и тоа 13 во гостиварско и 14 во тетовско. Најмногу од пречкорувањата, вкупно 20 биле за 30 до 50 километри на час.

Во населено место пак бил констатиран 31 прекршок, во Гостивар 10 и во Тетово 21. Најголемиот број од нив биле од 10 до 30 километри на час.

Откриените прекршоци санкционирани се со 49 мандатни платни налози, од кои 31 за возачи во тетовско и 18 за возачи во гостиварско, соопшти полицијата. Биле изготвени и шест прекршочни налози и три писмени опомени.